Bruuchts würklig für alli Aktive e Fasnechts-Blagette an der Fasnecht? Daas häi sich drei Guggemuusige z Breitebach, oder Hirzebach, wie me däm Kaff über d Fasnecht säit, gfroggt. S örtlig Fasnechts-Komitee hed nämmlig beschlosse, as alli wo am Fasnechtsumzuug z Breitebach mit mache, e Hirzebach-Blagette am Flängge müese haa. Mit däm sy d Gugge Bohneschränzer aus Meltinge, Geisseschränzer aus Zullwil und Ohregrübler aus Nunninge nit yyverstande und mache hüür am Breitebacher-Umzuug nit mit. Schlussemäänd bruuchis an dene ville Fasnechts-Voorveraastaltige wo am Septämber aafönge, au käini deere Blämper. Dorum frooge sich die glatte Sieche, öbbs am Breitebacher-Umzuug würklig e Blagette brucht. Würklig?
Flängge = Kragen
Blämper – Fasnachtsplakette, oder wie der Deutsche sagen würde: Fasnachtsabzeichen
