Jahresarchiv: 2019

D Lääsekompetänz vo de Schwyzer Schüeleryyne und Schüeler nimmt ab. Das zäigt die nöischti Pisa-Studie. Das isch natüürlig Chutzemischt. Nit d Schüeler sy tschuld, as sy alsfott schlächter chönne lääse. Mir Alte sy tschuld. Mir, wo ändloos langi, emäänd no mit yygschoobene Sätz und apsunderlige Satzzäiche, Bandwüürm mache und am Schluss denn sälber nümm wüsse, […]

Jetz wäiss ich äntlige, was e kreativi Idee isch. Mängisch mües me e weeni kreativ syy, hed e Nidwaldner FDP-Ständeroot im Färnseh gsäit. Är schloot voor, as Gmäinde de Bäärggbahne selle d Schneekanone und Späichersee zahle. Getröi em Motto vo der FDP: «Mehr Freihäit – weeniger Staat». In der Oberbaselbieter Mundart gits käis Wort für […]

«Döit s Fueder nit überlaade», hed der Noldi vom Chlöpfgatterhof albe gseit. Das chunnt äim z Sinn, wenn me ghört hed, was die Jumpfere vo der Basler SP uusegloo hed. Sii isch nämmlig der Mäinig, as s neecher Johr bi de Regierigsrootswahle gfelligscht käi SP-Maa aadrätted. Das isch fascht e chlyy wie z Nordkorea ääne. […]

Nöis Ungfell chunnt uf öis zue, wenn mer köuftig gönge go yychauffe. E Däil vo de Grossverdäiler wäi d Kassezeedeli apschaffe. Unglaublig. Was mache jetz alli die, wo die Zeedeli gsammlet häi? Uf jeedem zwöite Zeedeli isch nämmlig es Spaaraagebott aabotte worde. Zum Byspill. Wenn me für 3457 Franken yychauft, chunnt me gratis e Waadebindi, […]