Äin vo de Bundesrööt z Bärn duet, so hed men ämmel chönne lääse, nit so rächt, wien er sett. Drum häi e baar Fyynos dänkt, me chönnt ihn jo häimlig im Äidgenössische Departemänt für Verteidigung, Bevölkerigsschutz und Sport (VBS) entsoorgge. Doo häi sy aber nit mit der VBS-Bundesröötin Viola Amherd grächnet. Sii will nämmlig s Departemänt umsverwoorgge nit wächsle. Das Byspiil zäigt äimool meh: Wenn d Manne nümm wytter wüsse, selle d Fraue d Butzere spiile.
Fyyno = listiger Mensch
Butzere = Putzfrau, oder wie es heute heissen muss, Reinigungskraft
