«Döit s Fueder nit überlaade», hed der Noldi vom Chlöpfgatterhof albe gseit. Das chunnt äim z Sinn, wenn me ghört hed, was die Jumpfere vo der Basler SP uusegloo hed. Sii isch nämmlig der Mäinig, as s neecher Johr bi de Regierigsrootswahle gfelligscht käi SP-Maa aadrätted. Das isch fascht e chlyy wie z Nordkorea ääne. Dört bifäält au nummen äine, wo s duure goht. Numme. Im Underschiid zu Nordkorea isch d Schwyz no allewyyl e Demokratie. Bi öis säit allewyyl no d Mehrhäit, wos duure goht. Und nit en übersüünige Regäntene
Fueder = Ladung
übersüünig = ungestüm
Regäntene = herrschsüchtige Frau
