Glyy scho sy Nazionaal- und Ständerootswahle. Au im Baselbiet. Und wie allewyyl, wenn s um d Wurscht goht, verlöie d Kandidatyyne und Kandidate die sichere Höhlene. Us allne Löcher chömme äiswäggs Frauen und Manne. Schloosch d Zyttig uf, gsehsch zum Byspiil ungsinnt e Kandidat bi der Eröffnig vo der Rammler- und Haddleusstellig z Rüünebrg. Oder e Kandidatyyn hed e Füürwehrschluuch in der Hand. Bi jeeder Eröffnig, Usstellig oder Vernissage, syg sy no so unbedütend, stolperet irgend son e Jumpfere oder e Manno umme. Aber käi Angscht. Noodäm d Wahle duure syy, häi d Chüngel z Rüünebrg wiider ihri Ruei.
äiswäggs = aufs Mal
ungsinnt = plötzlich
Rüünebrg = Rünenberg
Haddle = weibliches Kaninchen
Manno = tüchtiger Mann
