Die zwöi Wildsoufilet häi in der Brootispfanne schön gattlig vor sich aane bröötlet. Es hed heerlig gschmöckt in der Chuchi. S Söili isch us em hiesige Wald gsii. Alles Bio. Statt Soja, häi die Dierli Äichle, Schnägge und Würm gfrässe, wo sy mit der Naase voraa us em Boode gwüehlt häi. Wääred d Filet langsaam in der Pfanne schöön Faarp aagnoo häi, isch mer die Mäldig wiider in Sinn choo vo däm Jeeger im Tessin. Dä wo der Fründ verschosse hed, will er gmäint hed, är häigi e Wildsou vor sich. Ich ha mer gschoore, kümftig besser aanezluege, wenn mer der hiesig Jeeger s neecher Mool e Wildsou verbyy bringt.
Brootispfanne = Bratpfanne
wääred = wärend
