Jetz hets Supermodel, wo für die Grüene z Züri in Nationalroot hed welle, gmerkt: Noochedänke, öb men öbbis ins Smartphon döggelet, isch gar nit son schlächt. Si hed jo vor öbbe zwee Möned e chlyy en abschtrusi Theorie in d Wältgschicht uuesposuunt, as ««Blut von Veganern Krebszellen töten kann.» Das hed jetz nit allne gfalle und men isch über die gueti Frau hääregfallen, wien e Ruudel Wölf über es wehrlooses Schööfli. Das hed die armi Hutte so vergelschtered, as sy jetz ihri Kandidatur zruggzooge hed. Jetz hed die Stiigele Zytt zum Noochedänke, wies uusechunnt, wenn d Zunge schnäller isch, as Hiirni cha dänke.
öb = bevor
Stiigele = grosse, schlanke Frau
