Z Gälterchinde döie sy zmitts im Summer wääge der Fasnecht chääre. Emene Däil Lüt isch der Gälterchinder Cheeruus, mit under anderem 34 Guggemuusige, e Dorn im Aug. Es wäärdi z vill baused, an d Huuswänd brünzlet und in d Gäärte gchöörplet. Das geengi so nit wytter, sääge sy. Ich glaub, s Probleem sy nit d Guggemuusige. S Probleem sy die pubertierende Hoosesäicher (Bueben und Mäitli), wo sich löie lo volllauffe, bisene zu allne Löcher uuslaufft.
Chalberei = Dummheit
bause = tüchtig trinken
chöörple = erbrechen
