Will me jo nit numme vo Schnitzunddrunder cha lääbe, han ich – kulinarisch gseh –emool öbbis Nöis wellen usprobiere. Am Äss-Chaare Spektakel bi de Chruttstoorze – nomen est omen – han ich e Himalaya-Burger gmofflet. Imene dämpfte Broot hets e Füllig vo Schwyzer Rindfleisch – näi, käi Ringgel vomenen alte Yak – Rüebli, asiatische Gwürz und scharffer Sosse ghaa. Es he mer guet gschmeckt. Numme bi de Rüebli bin ich e chlyy ins Grüüble choo und ich ha mii gfrooggt, öb uf em Himalaya deere Gmües wachst?
Äss-Chaare Spektakel = Food-Truck Happening
Chruttstoorze = Übername für die Liestaler
moffle = essen
