Wenn me numme gnueg lang drüber noochedänkt, findet men allewyyl e Schuldige. Das hed jetzt au der Voorgänger vom jetzige Boobscht bewiise. Er hed nämmlig uusegfunde, as d Ursach für e sexuelle Missbruuch an Chinder in der katholische Chille in den 1968er Joor z sueche syg. Zue deer Zytt ghöri, «dass nun auch Pädophilie als erlaubt und als angemessen diagnostiziert wurde», schrybt s ehemoolig Chillenoberhaupt. Guet. Das wüsse mer jetz. As katholischi Pfaarherre aber scho vor de 1968er Joor an chlyyne Bueben und Nonne samt Novizyynne ummegniggeled häi, wäiss men au. Wär isch ächt jetz für das tschuld?
Boobscht = Papst
niggele = herumfingern
