Isch das denn soo schwiirig, yysichtig z syy? Zuegeh, as e Säich bassiert isch? Allem aa scho, wenn me glääse hed, wie sich der höchscht Katholik an der Chinderschutzkonferänz z Rom zum sexuelle Missbruuch in der katholische Chille güsseret hed. Derbyy mües me wüsse, wird der Papscht under anderem zitiert, wärden e Groossdäil vo de sexuellen Übergriff an Minderjährige vo Eltere, Verwandte, Trainer oder Erzieher begange. E chlyn e glungeni Erkläärig. Das cha me jo fascht esoo verstoh, as wett är sääge: Die andere häi au, denn ischs jo nit so schlimm, wenn mir … Aber wohrschyynlig häi mir äifache Lüt s Ganz au nit richtig verstande.
allem aa = anscheinend
glunge = eigentümlich