Am Wuchenändi sy im Baselbiet Regierigsrootswahle. Wie sichs ghört, han ich vorhäär e huffe Zeedel im Brieffchaschte ghaa, wo mer gsäit wird, weeli oder weele ich denn weele setti. Under anderem rekummidiere mer die drei Bishäärigen und äi Nöien us em bürgerliche Laager, ich sell nummen ihri vier Nääme uf e Wahlzeedel schryybe. Die föifti Zyyle sell ich doch bitte leer loo. Was ich jetz nit ganz verstand. Es sy doch Föif, wo setten in der Regierig regiere. Wäi die vier, wenn sie denn gweelt wäärde, in Zuekouft zääme mitere Zyyle regiere?
rekummidiere = empfehlen
Zuekouft = Zukunft
