S goht voraa in der Stadt. Sit ere Wuche gits es nöis Lokal. D «Axt Bude». Dört sells zue und hääre goh noonem Motto: «Läng d Achs und gib em». Schöön, chan ich numme sääge. Denn will e Basler Groossroot, as men im Groosse Root numme no im Dialäkt barliert. Zwar nit Baselbieter Mundart. Aber äinewääg. Soo, wies uusgseht, fönge myyni Besträäbige, as d Städter gattlig föngen afoo schwätze, langsaam aber sicher aa Frücht drääge.
voraa = vorwärts
barliere = gewandt reden