Der letscht Dunnschtig hed me wältwytt der internazionaal Daag vo der Muettersprooch gfyyred. E gueti Sach. Isch d Sprooch doch, wo me dehäi mitüberchoo hed, under anderem der Uusdruck vo Äigeständigkäit und Freihäit. Öbbis isch allerdings verwunderlig. Worum häissts Muettersprooch und nit – nöimodisch korräkt – Muetter- und Vattersprooch? Häid Dädä denn dehäi nüt z sääge. Aber halt, fallt mer do yy. Mir Manne häi jo s Vatterland. Dasch jo au nümme nüt.
Dädä = Vater
Dasch nümme nüt = Das ist nicht nichts
