Wohrschyynlig hed dä oder die, wo bi der Boscht z Sissech verantwortlig isch, as prezyys am Ölfi die Yygangsdüre zuegoht, käi Sackuhr. Allwääg scho eender e Stoppuhr. Numme soo chan ich mirs erklääre, as der letscht Samschtig würklig prezyys am Ölfi d Dür nümme ufgangen sich. Es hätte zwaar no vier Chunden yynewelle. Aber, he nu so denn. Mir Apgwiisene müeses halt es andersmool no äinisch brobiere und hoffe, as dä oder die denn statt ere Stoppuhr e Sackuhr by sech hed – won e chlyy hindedryy goht.
Sackuhr = Taschenuhr
He nu so denn = dann halt
