Lüt, wo äim d Wält erklääre, chömmen allewyyl so wältoffen und modäärn derhäär. Han ich ämmel bis jetz gmäint. E chly anderscht hets nämmlig döönt, wo die letscht Wuche e jungi Gruchshütte uf bazonline gschriibe hed, worum men an der Wiehnecht käi Fläisch set ässe. Die Lyyrerei gipflet in der Ussaag: «Es sind dann am Ende doch immer die Frauen, die am Herd stehen.» Hed die gueti Frau no nie öbbis vo Manne ghört, wo choche? Oder läbt die ächt no wie zue Gotthälfszytte? Der gseijet, es git no vill z due, bis d Frauen und d Manne glyychberächtigt syy. Deere apsunderligi Bydrääg sy ämmel nit würklig hilfryych.
Gruchshütte = klagende Frau
apsunderlig = absonderliche
