Dir häit sicher au zwüschenyyne s Gfüehl, es geeb efangen e huffe Spezialischtyyne und Spezialischte. Ich sääg öich, guet gits die. Gubs die nämmlig nit, wüsste mer scho lang nümme, wos duuregoht. Soo au in däm Fall, wo Basler Underschüeler d Schuelmäischter bisse häi. Bim Rächtsdienscht vo der Freiwillige Schuelsynode hed nämmli ebe son e Spezialischt uusegfunde, as die Bysserey mit der Erziehig vo de Räigel z due heebi. Gälled, doo druuf wereder nit sälber choo.
Underschüeler = Primarschüler
Räigel = wildes, ungestümes Kind
