Wenn der Läithammel goht, wird s für die räschtlige Butschhämmeli schwiirig. Das chame jetz au bi de Baselbieter Grüene Unabhängige beobachte. Will ihren äinzige Landroot s Alter erräicht hed und nümme darf zue de Wahlen aadrätte, isch aaschyynend niemer umme, wo der Blätzbums Läithammel chönnti ersetze. D Schoofhärde isch jo au zimmlig chlyy. Was mit de fürige Schööfli bassiert, isch noonig ganz klaar. Wohrschyynlig gönge die vergelschterede Schööfli wiider zrugg zue der groosse Häärte – wo sy vor drüü Johr dervoodrotted syy.
Butschhämmeli oder Hääli= Schaf
Blätzbums = Übername für die Birsfelder
vergelschtered = verstört
