Es lytt allwääg in der Familie. In der CVP-Familie. Jetz isch uuschoo, as e Zuger Regierigsroot übere Haag gfrässe und es unehlichs Chind hed. Guet. Mit der äigene Frau hed er halt scho drüü. Vor zwöi Johr isch jo uuschoo, as der doomoolig Breesi vo der CVP sy Frau bedrooge und eren andere Frau es Chind gmacht hed. Wie gsäit, s lytt allwääg in der Familie. Velicht set me deene vo de chrischtlich Aaghuchte wiider äinisch ins Gwüsse reede und ene verdütte, was CVP äigedlig häisst. Nämmlig: Chrischtligdemokratischi Volkspartei. No äinisch: Chrischtlig!
Übere Haag frässe = fremdgehen
dr doomoolig Breesi = der damalige Präsident
