Es isch käis guets Zäiche, wenn der Noldi vom Chlöpfgatterhoof duet wien e Chatz am Hälsig. Öb ich s au glääse häigi, froggt er mii. Im Tessin döige zwee italiänischi Gaschtwirt sit nöischtem vegane Chees mache: «Nit us Milch, wie me normalerwyys Chees macht. Us Cashewnüss mache die so öbbis wie Camembert, Taleggio und Gorgonzola», brummlet der Noldi. Ihn miechi nit verruckt, as die zwee Schlaumäier Chees noochemieche. Ihm dryybis d Döibi ins Gsicht, wenn me esoo öbbisem Chees säägi.
Due wien e Chatz am Hälsig = toben
Hälsig = Halsstrick
