Es hed jo müese choo. Irgend äinisch chunnt öbber druuf, as men ere Guggemuusig nit darf «Negro Rhygass» sääge. Ich stell mer voor, wie die Moralaposchtel im stille Chämmerli sitze und dranumme hirne, was sünscht no alles chönnti rassistisch syy. Settene d Idee uusgoo, doo non e baar Voorschleeg: Rochle, Soumätz, Rammel oder Loogel. Das isch nummen e chlyyni Uuswahl, wo me hinder verschlossene Düre mängisch no bruucht. Aber. Zum guete Glück gits käi Guggemuusig, wo zum Byspill «Soumätze Schlurggi» häisst.
Rochle = alte Frau
Soumätz = liederliche Frau
Rammel = geiler Bock
Loogel = versoffener Mann
