Der Rudolf-Steiner-Chindergaarten isch uus. E huffen Auti und Wello mit Aahänger sy am oder uf em Drottwaar parkiert. Die transportiere denn die wohlbehüetede Buuse zrugg in ihri wohlbehüetedi Umgääbig. E Frau mitemene Chinderwaage, wo gärn duure wetti und sich über das Vercheerschaos ufreggt, froggt äini, wo im Chaare hockt, öb s Döchterli denn nit elläi häim findi? Doo isch sy aber an die Lätzi groote: «Gohts Ihne no», bällt sy. «Ich cha doch bi däm ville Vercheer mys Mäitli nit elläi lo goh».
Buuse = wilde Kinderschar
Lätzi = Falsche
