Hütt, am 16. Abrelle, isch die ganzi städtischi Intelligenzia und der Baselbieter Blattelegger Antoine usser Huus. Sy gwaggle z Züri amene Umzuug mit – mit und ohni Gitarre. Noonem Umzuug seckle denn e baar tüppelhürnigi Rytter uf verängschtigte Ross um es Füür umme, wo uusgseht wien e zchlyygrootnigi Sissecher Chuuriverbrennig. Ufbasse! Hütt weeri der Daag, wo sich z Basel e politischen Umsturz loone wurdi. Will jo alli die, wo mäine, as sy öbbis z sääge häige, z Züri amene Füür Chlöpfer bröötle.
Abrelle = April
Blattelegger = DJ
