Früelig. Jetz striele wiider d Röiber ums Huus umme. Näi, nit die zwöbäinige, die vierbäinige. Das bedüted, as uf d Äidächsli, d Blindschlyyche, d Lybelle, d Vöögel und d Glögglifrösch e schweeri Zytt zuechunnt. D Dierschützer sääge, doo chönn me halt nüt mache, wenn d Chatzebüüsi im Garten ummemorde. Daas sygi d Natur. Ich bi gspannt, was sy sägge wurde, wenn underäinisch e Hund son e Buusle wurd ringgle, wo jo in mym Garten nüt z sueche hed.
ummestriele = umherstreichen
Glögglifrosch = Geburtshelferkröte
