S goht au anderscht. Statt wie z Sissech zwoo Söi vor Zuelueger z versääble cha me sen au usstelle. Und ene Nääme geh: Farni und Burgi. Under em Motte «Das Schwein. Sympathisch, schlau und lecker» wird im Museum BL s Lääbe vo zwoo Söili us der Sicht vo Forscher, Züchter, Buuren und Metzger belüchted. E gueti Sach. Nummen öbbis macht mii e chly stutzig. S Wort «lecker». Bii allne Söi, wo bi öis uufzoogen wärden, isch s «lecker» wichtig und nit der Naame. Usser bim Farni und Burgi. Die dörfen wytterlääbe.
Zuelueger = Zueschauer
versääble = mit dem Schwert zerteilen
