Sit über 80 Johr wird z Sissech, z Obe am Fasnechtsdunnschtig, s Chluuri verbrennt. Das wäiss jeede Rammel und Bebbi. Ämmel fascht. Nummen uf der Baselbieter Bou- und Umwältdiräkzioon häi sy nüt vo däm gwüsst. Die häi nämmlig prezyys an däm Daag der Chienbäärgdunnel welle speere und der Verchehr duur Sissech läite. Zum gute Glück hed me daas z Sissech gemerkt und die Umläitig um e Wuche verschoobe. Die verantwortligi Regierigsröötene hed vo däm allwääg nüt mit überchoo. Die isch jo dermit beschäftiged, z luege, wie sy ohni Schaade ihri letschti Amtszytt überstoht.
Chluuriverbrennig = um 1933 in Sissach eingeführter Brauch, wo jeweils eine Persönlichkeit verbrannt und die Fasnacht beendet wird.
