Scho wiider e Souerei. Diismool bi de Bratteler Chreeze, stoht in der Zyttig. Die schlöie zwaar käini Suggi z dood, wie die z Sissech. Aber: Die bröötle nöimen imene Hinderhoof ganzi Söi. Säit ämmel en Aawohnere – und daas stinki zum Himmel, wättered die gueti Frau wytter. Sii häig gseh, wie imene Waage öbbe zäh dooti Säu aagliiferet und denn vonere Gruppe Manne bräägled wäärde. Ich wundere mii. Die Söiligrillierer müese jo en unglaubligen Abedyt haa.
Chreeze = Übername der Pratteler
bräägle = braten
Abedyt = Appetit
