Groossi Ufreegig in der Sissecher Begeegnigszoone. S Mutti fahrt mit em Auti vor d Beckerei aane. Will sii, wie allewyyl, im Druck isch, stellt sy ihre Chlapf ins Fahrverbott und zäpft in d Bäckerei yyne. Prezyys in dere Zytt chunnt der Tschugger und hänkt der gstresste Muetter e Strooffzeedel an d Windschutzschyybe vom Auti. Sii gseht das, rennt us em Laaden uuse und schreit der Bolizischt aa: «Ich ha doch numme für d Chinder wellen e Sunndigs-Züpfe chauffe.» Der Landjeeger isch allwääg e ganz e Luschtige und säit ganz rueig zu der ufgreggte Frau: «Müesst halt de Chinder sääge, sy selle nummen äis Stück neh, will d Züpfe diismohl e chlyy düürer isch.»
Züpfe = (Butter)-Zopf
zäpfe = rennen
