Doo isch aber der Santichlaus voll in Hammer gloffe. Er hed jo gwüsst, as är bi sym Bsuech in der Hääfelischuel käini Ärtnüssli darf mitneh. Wääge de Chinder, won e Nussallergie häi. So wytt, so guet. Dir glaubets jetz aber nit. Jetz hed dä Chlaus de Hääfelischüeler Gummibäärli verdäilt. Wo me doch wäiss, as in dene Bäärli Gelatine hed, wo us doote Dier gmacht wird. Aber, aber Santichlaus. Du wäisch doch, as alsfott meh Tschööpli git, wo sich numme no pflanzlig ernähre. Aso nüt me mit: … gimmer lieber Nuss und Gummibäärli, denn chumm …!
Hääfelischuel = Kindergarten
Tschööpli = bemitleidenswertes Kind
