Jetz han ich doch die letscht Wuche gschriibe, es syg noo der Metzgete z Sissech wiider rueig. Jetz mues aber ich lääse, as son e Ùùhùnd, wenn s denn e Maa isch, mitemene Luftgweer uf Chatzebuuseli schiesst. Jä nundefaane. Gohts jetz wiider vo vorne loos und letschamänt muess der eehemoolig Chilchheer vo de Rossbölle wiider d Gäissle fürechnüüble.
Ùùhùnd = grausamer Mann
letschamänt = schliesslich
Rossbölle = Übername der Rotheflüher
