Fascht hundert Johr ischs gange. Jetz hed der Einstein rächt überchoo. D Gravitationswälle gits würklig. Ich sääge numme: zum guete Glück. Was würde mer au mache ohni die Wälle? Drei US-Forscher, wo jetz der Nobel-Bryys überchoo häi und 1000 Forscher us 20 Länder hets brucht zum Bewyyse, as der Einstein nit uf em Holzwääg gsii isch. Äifacher wär halt gsii, me hätt ihm das äifach glaubt und die huffe Forscher hätte Zytt ghaa, an öbbis anderem umme z hiirne. Zum Byspill, worum d Noochberschatz jeede zwöite Daag vor öisi Huusdür blättered.
Holzwääg = in die Irre führender Weg
blättere = flüssigen Kot ausscheiden
