Am letschte Sunndig han ich d SRF 3 Hitparade gloost. Ich bi jo äigedlig nümm im Alter, wo me so modäärni Muusig loost. Will ich aber e chly gmuudered haa und im Bett glääge bii, han iich dänkt, soo, jetz wäi mer äinisch yyneloose, was die junge Lüt für e Muusiggschmack häi. Glyy bin ich aber e chlyy verschrocke. Nooneme Rung hets my nämmlig dunkt, das döönt alles glyych. S ganz elektronisch Gesülze hed my an e Potage Garbure gmaant. Dört chunnt au allerläi Gmües dryy – was blybt isch e Suppe, wo allewyyl e chly anderscht schmeckt, aber halt allewyyl non e Suppen isch.
muudere = kränkeln
Potage Garbure = passierte Gemüsesuupe
