Uf de Bahnhööf und in de Züg syg äfange duraane es riise Gsöi, hed me chönne lääse. S Inträssanti doo draa isch jetz aber, as nit die, wo d Souerei mache, d Söihünd syy. Näi. D Söiniggel sy die, wo d Souoornig setten ewägg butze. Numme mues men aber au sääge, as allsfott schwiiriger wird, d Späckschwarte, d Hut vom Landjeeger oder s Öpfelürpsi im Apfallchübel z entsoorgge, will dört schon e Muetter d Räschte vo der Dochter ihrem «Happy Meal» dryygschopped hed.
Gsöi = Schweinerei
Öpfelürpsi = Kerngehäuse des Apfels
