Ou, wenn das der Donald Trump wüssti. Scho wiider «fake news». Doo verbräited doch s Regionalschurnal vom Schwyzer Radio SRF, der Waldeburger Gmäindroot welli d Chille verchauffe. Nüt doo, säit d Gmäinibreesene vo de Wölf. D Chille blybt im Dorf und wird nit verschäärbelet. Guet. S Gäld chönnte sy im Uhredorf scho bruuche. Numme. Wär chaufft e Chille? Und wenn men denn äini hed, was macht me dermit? Aso, ich wäiss nit…
Haawass = Falschmeldung/Falschnachricht, oder wie Donald Trump sagen würde: «fake news»
Wölf = Übername der Waldenburger
