Uf em Wääg ins Dorff bin ich anere leere verdreschaaggede Bierbüchse verbyychoo. Bi jeedem Windstooss isch sy es Stückli über d Strooss gchläppered, as öbb sy mer wett sääge: Heb my uuf und due my entsoorgge. Das han ich denn au gmacht. Ha aber schnäll emool gmerkt, as daas e Schnapsydee isch – au wenns e Bierbüchsen isch. Alli Lüt, wo mer begeegnet syy, häi my nämmlig schreeg aagluegt und allwääg dänkt, as ich am Achti am Moorgge scho s erscht Bier neem. Vo jetz aa heb ich nummen no leeri Mineralwasser-Büchse vo der Strooss uuf.
verdreschaagged = übel zugerichtet
Schnapsydee = verrückte Idee
