Ich wäiss nit, öbbs es Beeri oder e Schluufichäib isch. Aber dä oder die, wo jeedes Mool der Göppel vor e Welloständer bim Fitnesscenter stellt, goht mer langsam aber sicher uf e Sack. Ich ha noonig emool richtig afo Hantle stämme, bin ich scho halbers kabooris, will ich mi mues an däm Chaare duurequätsche und my Drootesel über d Chüelerhuube lüpfe. Ich wünsch deere oder däm nüt Schlimms, weer aber au nit druurig, wenn däm oder deeren äinisch e Hundertkilo-Hantle würd uf d Zeeche gheie.
Beeri = einfältige Frau
Schluufichäib = nachlässiger Mann
kabooris = kaputt
