Wohrschyynlig isch daas d Strooff, will d Bebbi allewyyl uf de Rammel ummehacke. Me hed nämmlig uusegfunde, as die Gwaagge, wo in der Stadt uf d Auti schysse, alli vom Land chömme. Die versammle sich jeeden Oobe z Sissech bim Gwaaggefelseli – fascht wie d Fuessball-Hooligans, wo sich Samschtig für Samschtig uf e Grind gääbe – und fliegen in d Stadt. Dört löie sy ihri stinkigi Fracht lo suttere und chehre z friide wiider häi, will sy wüsse: Ufruumen und zäämebutze chönnen anderi.
Hansigäägg, Gwaagg = Krähe
Gwaaggefelseli = Krähentreffpunkt, oberhalb Sissach, Richtung Thürnen
