Das isch wiider äinisch e Bahnfahrt noonem Gschmack vom Noldi vom Chlöpfgatterhoof gsii. Yygstiigen isch er z Gepsibrunne. Won är nooneme Rung z Diirggelhoofe zum Fänschter uuseluegt, gseht är sy Kolleg, der Bräntejoggi, bim Zette. Gschnäll stoht der Noldi uuf, zieht d Nootbräms und stygt uus. Är bollitschiert und dischgeriert e gueti Dreiviertelstund mit em Joggi, stygt wiider yy und hockt aane. Und wüsseder, was ihn am mäischte verwunderet hed: Der Zuug isch nit wyttergfahren und hed uf ihn gwaardet.
zette = Gras mit der Gabel zum Trocknen ausbreiten
bollitschiere = laut und heftig diskutieren
