Doo bin ich im Gartecenter gstande mit mym Yychauffswäägeli. Um mii umme Huusfraue, Freizyttgärner und Bluemefetischischten im Chauffrusch. As öbbs die letschte weere, häi sy um d Oschterglogge, Glaarböckli, Löiemüüli und Bryymeli baschged. In allem in hed äine mit drei Bohnestäcken ummegfuchtled und imenen Egge sy zwoo Rääf hinderänand choo, will beed die glychlig Stäärneblueme häi welle. Won ich däm Kampf ums letschte Löiemüüli so zuegluegt haa, isch mir underäinisch klaar worde – es isch Früehlig.
Glaarböckli = Stiefmütterchen
Löiemüüli = Löwenmaul
baschge = sich balgen
Rääf = keifende Frauen
Stäärneblueme = Narzisse
