Wiider äinisch meh isch e Furzydee vo öisere Bou- und Umwältregierigsröötene der Bach ap, choldered der Noldi vom Chlöpfgatterhof. Sii hed jo wellen am U-Abo ummeflicke und soon e baar Franken spaare. Guet. D Ydee z spaare isch jo nit grundsätzlig falsch. Numme. Füürwehrüebige, wo underäinisch nötig wäärde, will der Chlütter uusgoht, bringen in de wenigschte Fäll öbbis, mäint der Noldi wytter. Sy Groossvatter häig nämmlig scho gsäit: «Es goht nit lang und me wird vom Spaaren arm und der Spaarhaafen isch zgünnlige leer».
Furzydee = verrückte Idee
choldere = poltern
Sparhaafe = Sparbüchse
zgünnlige = endgültig
