Z Basel am Zoll häi d Zöllner zwee Würschtli verwütscht, wo häi wellen es Fueder Würschtli schmuggle. Würschtli in Buete, wo ufrächt inere schützlige Flüssigkäit ummegaagle. Gruusig. Es hed uusgseh wie apgschnittnigi Mittelfinger vonere Wasserlyych, wo sit öbbe drei Wuchen underopsi der Rhy duurap drybt. Aber. Die arme Sieche sy nit die zwee, wo häimlig nääbe de Zöllner duure syy und jetz müesen e zümftigi Buess zahle. Näi. Die würklig arme Sieche sy die, wo die ecklige Würschtli hätte sellen ässe.
Buete = Dose
schützlig = scheusslich