D Trainerhoose sys Brobleem. Chuum hesch du dii an de Maschiinen im Fitnesscenter apgmüet, chrucklisch müed, aber zfriide zrugg in d Garderobe. Aber denn. Noonem Dusche chunnt die grööschti Uuseforderig: s Aalegge. Bis de nämmlig d Träinerhoosen aahesch, wirsch halbers duubedänzig. Bständig lyyrts der s Hoosefueter um d Scheiche, so as de wien en äibäinige Ballettdänzer in der Umkläidekabyynen ummehoppsisch. Zum guete Glück gseht das käini vo de Trainerinne, die würde mii sünscht oobenewägg as Zumba-Voordänzer angaschiere.
duubedänzig = närrisch
bständig = dauernd
