My Frau hed es Baar Schue bim hiesige Schuehändler gkauft. As Gschänk hed si es Gütterli Wasser überchoo. Daas mit em Wasser hed my e chly verwunderet. Mi dunkts nämmlig, as Wasser as Gschänk eenter zuenere Daucherusrüschtig basst hätti. Aber die isch jo im Schuelaade nit fäil gsii. No meh hed mi aber gwunderet, as s Wasser, wo in däm gschänkte Gütterli gsii isch, joo der häits verroote, us Dütschland choo isch. Jetz breedige doch d Chreemer allewyyl, me sell doo und nit bi de Dütschen yychauffe. Guet, ich mach daas. Wär wäiss. Velicht mache daas d Chreemer denn au glyy emool. Z hoffe weers.
Gütterli = Fläschlein
fäil gsii = angeboten worden
