E Regrutt, aso e zuekümpftige Soldat, verzellt inere Gratiszyttig, was är in der erschte Wuche vo der Regrutteschuel scho alles erlääbt hed. Är syg jeede Daag 17 Stund uf de Bäi und häigi chuum Zytt zum Zehn putze. Denn häigs Wäntele in der Wulldecki . Bim Schaarffschiesse dörf me s Handy nit bruuche und bim Dusche syg me nie elläi. Am Moorgge geebis mäischtens dünne Gaggoo, heerts Broot und allewyyl die glyychi Vierfrucht-Gumfi. Nit wie dehäi, won ihm s Mutti jeede Moorgge s Schnittli mit sälbergmachter Äbbeeri-Gumfi stryycht. Wenn ich das lääs, zwyyflen ich e chlyy draa, as mer die beschti Armee vo der Wält häi.
Regrutt = Rekrut
Wäntele = Wanzen
Äbbeeri = Erdbeeren
