Nundefaane. Wie sell ächt das jetz wiider goh? Der Schwyzerisch Fläischverband hed lo verluute, as miir ap sofort gfelligscht die ganzi Sou sellen ässe. Aso. Wenn ich my Brootpfanne, s Düpfi oder Bachoofen aalueg, hed dört käi ganzi Sou drinn blatz. He nu so denn. Wenn mer nit mache was d Metzger sääge, das isch jetz ä Vermuetig vo miir, schicke d Obermetzger as Stroof statt de Söischwänzli und –öörli d Filet und d Schungge nach China. Öis blybt denn no der Söischmutz und e huffe Zytt, an gummige Söischschnöörli umme z gnaage.
Düpfi = gusseisener Kochtopf oder einfältiges Mädchen. In unserm Fall ist Ersteres gemeint
Söischmutz = rohes Schweinefett
