Nit alli häi der glyych Heergott. Das hed me wiider äinisch guet gmerkt, wo me deene vom Aalass «Nacht des Glaubens» der Riigel gschoobe hed. Nüt mit gmäinsamem bätte vo de Kadoolische, de Refermierte und von e baar bsunders Häilige vo verschiidene Freichille uf em Barfüesserblatz der neecher Juni. Dä syg scho für en andere Heergott reserviert, häi die vor der Allmändverwaltig gsäit. Statt bätte würde denn nämmlig mehrhäitlig gstööberedi Schuttverruckti uf em Barfi ummegragööle und d FCB-Fuessballgötter aahimmle.
Heergott = Gott
gstööbered = betrunken
gragööle = gröhlen
