Es gubt se – d Fryburger Tracht. Aber was häi d Ehredame vom Eidgenössische Schwingfescht z Estavayer aa: Pseudo-Trachte. Grüüslig. Daas amene Schwing- und Älplerfescht. Die Frölläin chömmen äim vor, wie die hiesige Volksmuusig-Jumpfere, wo vo Alpglüije, Älpler und Alpchees trällerle. Au die häi so deeguudanti Dirndl aa. Jetz stelled öich emol voor, d Frau vom Älpler würd in soneren Uufmachig im chupfrige Cheeschessi ummerüehre. Ich säg numme: achtig geh. S goht allwääg nümm lang und d Schwinger häi bim Schwinge statt Schwingerhoosen es Pseudo-Dirndl aa. Drumm: Wo Swissness drinsteckt, sett au s Drumumme stimme.
grüüslig = schrecklich
deeguudant = abscheulich
