Ganz äinsaam und eläinzig isch s Salzstängeli im Blaschtig-Druckli glääge. Drumumme hets e huffe Salzmöckli ghaa – vo den andere Salzstängeli, wo scho lang gässe worde sy. Will s Druckli allewyyl gschüttled worden isch, hets am letschte Salzstängeli afen au käi Salz me ghaa. Scho fascht e chlyy blutt, so ohni Salz, isch äim das aarm Stängeli vorchoo. Und wüsset diir, worum s Salzstängeli son eläinzig gsii isch. Ganz äifach. Hätt äin s letscht Salzstängeli gnoo, hätt er müesse s Druckli versoorgge. Drumm häi sich allwääg alli gsäit: Lieber käis Salzstängeli, as müese s Druckli versoorgge.
eläinzig = alleine
afe = bereits