Der häits ghört. Z Lause darf men in der Schuel käini Nüss me ässe, will es Mäitli allergisch isch dergeege. Das häi fascht alli verstande. Usser emene Lausner Landroot. Dä populistischi Nussknacker hed der zwöihändig Nussknacker füre gnoh und dermit ummgfuchtled, as d Haale numme so ummegflooge sy. In der Zwüschezytt hed men aber mitenander greedet und der Landroot hed begriffe, um was as es goht. Guet esoo. Gsehjeter: Doo säit men immer, as d Politiker alles Nüss syge.
Haale = Nussschale
ummefuchtle = herumfuchteln
gsehjeter = seht ihr
