Das isch doch nüt Nöis, as d Ysländer alles z chruttefätze schlöie, wie do letschti bim schutte. Schlussemänd sy das jo Wikinger. Scho vor über 1200 Johr häi die schnauzbärtige Fätze nämmlig s Chloschter Lindisfarne vor der Nordost-Küschte vo Ängland überfalle. Also. D Ängländer hätten äigedlig sette gwarnt sy. Aber no öbbis anders fallt äim uf, wenn d Ysländer schutte. Stellt deene äin s Bäi und sy gheien uf e Sack, stönde die gläitig wiider uf, schüttle der Motsch und spiile wytter. Nit wie die verwäichlete Zitroneschüttler, wo sich nooneme Rämpler uf em Raase chrümme, as hätt ihne äin d Läuff apgschlaage.
chruttefätze = churz und klein schlagen
Motsch = dicker Kopf
